Happy Journey : A Feel Good Journey

ഇന്ത്യയ്ക്ക് ദേശിയ തലത്തില്‍ അന്ധന്മാരുടെ ഒരു ക്രിക്കറ്റ്‌ ടീം ഉണ്ടന്ന് എത്രപേര്‍ക്ക് അറിയാം? ഹാപ്പി ജേര്‍ണി എന്ന ചിത്രം കണ്ടു കഴിയുമ്പോള്‍  മനസില്‍ അറിയിക്കുന്ന  അറിവ് ഇതാണ്, കൂടെ മനോഹരമായ ഒരു ഫീല്‍ ഗുഡ് സിനിമ കണ്ട സംതൃപ്‌തിയും.  ചെറിയ പ്രായത്തില്‍ ഒരപകടത്തില്‍ തന്റെആ കാഴ്ച നഷ്ടപെട്ട ജയസൂര്യയുടെ ആരോണ്‍ എന്ന കഥാപത്രം തന്‍റെ അമ്മയിലൂടെ ലോകത്തെ കാണാന്‍ പഠിക്കുന്നു.ക്രിക്കറ്റ്‌ കളിക്കാന്‍ കഴിയാത്ത വിഷമം ആരോണിനെ ബ്ലൈന്ഡ് ക്രിക്കെറ്റ് അക്കാദമിയില്‍ കൊണ്ട് എത്തിക്കുന്നു.അവിടെനിന്നു ക്രിക്കെറ്റിനെ വീണ്ടും ആരോണ്‍ നെഞ്ചിലെറ്റുന്നു.ദേശിയ ബ്ലൈന്‍ട് ക്രിക്കറ്റ്‌ ടീമിലെ സെലെക്ഷന്‍ കിട്ടുമ്പോഴേക്കും തന്‍റെ അമ്മയുടെ മരണം ആരോണിനെ വീണ്ടും തളര്‍ത്തുന്നു.പിന്നെ ഒരുപാട് അവസ്ഥകളിലൂടെ കടന്നു പോകുന്ന ആരോണ്‍ തന്‍റെ സ്വപ്നങ്ങളെ കയെത്തി പിടിക്കുമോ??? ഈ ചോദ്യത്തിനുള്ള ഉത്തരമാണ് മനോഹരമായ ഈ  സിനിമ. ജനപ്രിയന്‍ എന്ന ചിത്രത്തിന് ശേഷം ബോബന്‍ സാമുവല്‍-ജയസൂര്യ ടീം വീണ്ടുമെത്തിയപ്പോള്‍ ഒരു നന്മ നിറഞ്ഞ ചിത്രം വീണ്ടും പ്രേക്ഷകന്‍ കാണാന്‍ കഴിഞ്ഞു..

ചിത്രത്തിന്റെ് ആദ്യപകുതി രസകരമായ മുഹുര്‍ത്തങ്ങളിലൂടെ കടന്നുപോകുകയും രണ്ടാംപകുതിയില്‍ എത്തുമ്പോഴേക്കും സീരിയസ് സ്വഭാവം കൈവരിക്കുന്നു. രണ്ടാം പകുതിയില്‍ ഒരിത്തിരി ലാഗ് അനുഭവപ്പെടുന്നുണ്ടെങ്കിലും ചിത്രത്തിന്‍റെ ആകെമോത്തത്തിലുള്ള ഫേസ് വച്ചുനോക്കുമ്പോള്‍ അത്ര സാരമുള്ളതല്ല ആ ലാഗ്.  ജനപ്രിയന്‍,റോമന്‍സ് എന്നീ ഹിറ്റ് ചിത്രങ്ങള്ക്ക് ശേഷം ബോബന്‍ സാമുവലിലെ സംവിധയകന്‍ ഹാപ്പി ജേര്‍ണി എന്ന ചിത്രത്തിലേക്ക് എത്തുമ്പോഴേക്കും ഏറെ പക്വത കൈവന്നിരിക്കുന്നതായി കാണാന്‍ കഴിയും.ജയസൂര്യ എന്ന നടന്‍റെ ഏറ്റവും മികച്ച പ്രകടനങ്ങളില്‍ ഒന്നാണ് ഈ ചിത്രത്തിലേത്.ആരോണ്‍ എന്ന അന്ധകഥാപാത്രത്തെ ജയസൂര്യയിലെ നടന്‍ ജീവസുറ്റതാക്കി. പ്രത്യേകിച്ച് ക്ലൈമാക്സ്‌ രംഗങ്ങളില്‍ ജയസൂര്യ തകര്‍ത്തു. ഇനിയും വേണ്ട രീതിയില്‍ മലയാളികള്‍ പരിഗണികാത്ത ഈ നടന്‍റെ പ്രകടനം മറ്റുള്ള ഏതു യുവതാരേതെയും കവച്ചുവെക്കുന്ന രീതിയിലാണ്.ചിത്രത്തില്‍ കഥാപത്രങ്ങള്‍ ആയി വന്ന ലാല്‍,ശ്രിന്ദ,ബാലു വര്ഗീ്സ്‌,ലെന,അപര്ണ ഗോപിനാഥ് എന്നിവരും മികച്ച പ്രകടനമാണ് നടത്തിയിരിക്കുന്നത്. നവാഗത ചായഗ്രഹകനായ മഹേഷ്‌ രാജിന്‍റെ ഫ്രെയിമുകള്‍ മനോഹരമാണ്.ഗോപി സുന്ദറിന്‍റെ ഗാനങ്ങളും പശ്ചാത്തലസംഗീതവും ആണ് ചിത്രത്തിലെ മറ്റൊരു ഹൈലൈറ്റ്. സിനിമയുടെ മൊത്തത്തിലുള്ള മൂഡ്‌ ഉണ്ടാക്കുന്നത്തില്‍ ഗോപിസുന്ദര്‍ എന്ന ഘടകം വഹിച്ച പങ്ക് ചെറുതല്ല. ജയസൂര്യ എന്ന നടന്‍റെ റേഞ്ച് അളകണമെങ്കില്‍ തീര്‍ച്ചയായും  ഈ സിനിമ കണ്ടിരികണം.

You may also like...

Leave a Reply

Your email address will not be published. Required fields are marked *